Hoërskool Eldoraigne het sy eerste Eisteddfod dramafees gehou en dit was ‘n opwindende week met 150 leerlinge wat ingeskryf het.
Die kategorieë waarin individue en groepe deelgeneem is was poësie, gedramatiseerde poësie monoloog, prosa, mimiek, improvisasie en kort toneel.
Die aantal inskrywings het alle verwagtinge oortref en na baie oudisies en die finale aand is die wenners in die onderskeie kategorieë aangekondig.
Die Algehele Junior Wenner is Luan Swart, Algehele Senior Wenner is Liza du Plessis.
Ianthe Sipsma is as die veelsydigste leerder aangewys.